前言
十三郎：
今次訪問邀請咗一班參加咗之前舉辦嘅「暑期八回連載小說大挑戰」，主要原因係我自己想了解更多浮浮沉沉係香港網上寫作故事嘅本地作者。而今次我主要係針對故事/小說嘅作品，所以我諗咗好耐，用粵文定係用書面語？叫講故佬定係說書人？因為我本身係男，所以對「講故佬」呢個名係無咩所謂，但訪問嘅人有女作者喎！好似唔係有禮貌咁。所以都係用返說書人先。
我自己係一個香港網絡上做寫作只有兩年嘅經驗，其實都唔係好了解呢個世界嘅玩法，雖然線下都有十幾年創作經驗，但有好多嘢，唔係話老資格就得，有一套日劇叫「不自然死因研究所」，中堂係其中一個法醫。有一次，佢係法庭上被質疑佢提出嚟嘅實驗報告嘅可信性，理由就係因為另一個法醫有佢五倍嘅解剖經驗，於是中堂就好直接咁講：
「啲發晒霉嘅經驗要嚟做咩？法醫係一直喺到進步緊，講嘅實驗結果。」
(大概係咁嘅意思)
當然，係科學上我到可以黑白分明，但係創作上，我哋又可唔可以咁去判定一個故事作品好定唔好？經驗又為作者帶嚟啲咩成就……
十三郎：
點解你會參加呢次連載小說(暑期八回連載小說大挑戰)？覺得連載小說有咩特別？
羊之歌：
我參加挑戰是因為想挑戰自己，同時亦是一種自我滿足。連載小說會有一份責任, 定時要交稿, 自我管理要做得好。同時, 連載小說要準備充足, 例如寫第一篇之前最好有了一個大綱, 要知道自己個故事寫緊乜野, 結局係點, 以致中途不失方寸, 故事整合性才會比較強。
十三郎：
你覺得香港呢個地方，除咗網上，會唔會有其他途徑發展連載小說？實體書合定本、月刊、閱讀會、教學寫作班等等。
羊之歌：
網上無可置疑是最方便的平台，就好似「紙言」已經造就左唔少人的出書夢。實體書合定本其實係唔錯的做法，PENANA第一本DSE不限時比賽就係好例子，競勝中又可以得到進步，呢樣野可以長推。連載月刊呢樣都唔錯，如果這是直接將實體書合定本月刊化的意思，我非常贊成。閱讀會同寫作班都難了，現在生活時間太多活動，但如果要求寫作質量提升的話，閱讀會、寫作班就當然是最好的。
十三郎：
你係呢次嘅比賽到(暑期八回連載小說大挑戰)，想得到啲咩？有咩意見想向作者們提出，鼓勵大家一齊去做某件事/活動/行為？
羊之歌：
比賽中，我想得到交流機會，人地睇完我的作品可以俾我意見，更重要可以識到一班志同道合的寫作人。我發覺penana呢度有樣野唔夠好，就係大部分人都係各有各寫，自己寫得爽就算，然後好少會去睇其他人的作品，咁當然少部分人會睇，但真係好少，就算你話呢度度好多點擊數的作品，其實佢每一集都係得百幾二百人睇，實際閱讀人數真係唔多，所以我希望大家都可以多一點看別人的作品，這樣才能俾到人寫作的動力。
十三郎：最後，對將來有咩諗法？
羊之歌：
希望呢度(Penana)可以幫到更多有志之士出書！
再一次多謝羊之歌嘅訪問！希望大家的訊息也能傳到讀者的面前，能夠讓讀者了解他們更多！