「我們都是香港說書人」(七) ─沒有名字的人

前言

十三郎:
今次訪問邀請咗一班參加咗之前舉辦嘅「暑期八回連載小說大挑戰」,主要原因係我自己想了解更多浮浮沉沉係香港網上寫作故事嘅本地作者。而今次我主要係針對故事/小說嘅作品,所以我諗咗好耐,用粵文定係用書面語?叫講故佬定係說書人?因為我本身係男,所以對「講故佬」呢個名係無咩所謂,但訪問嘅人有女作者喎!好似唔係有禮貌咁。所以都係用返說書人先。
我自己係一個香港網絡上做寫作只有兩年嘅經驗,其實都唔係好了解呢個世界嘅玩法,雖然線下都有十幾年創作經驗,但有好多嘢,唔係話老資格就得,有一套日劇叫「不自然死因研究所」,中堂係其中一個法醫。有一次,佢係法庭上被質疑佢提出嚟嘅實驗報告嘅可信性,理由就係因為另一個法醫有佢五倍嘅解剖經驗,於是中堂就好直接咁講:
「啲發晒霉嘅經驗要嚟做咩?法醫係一直喺到進步緊,講嘅實驗結果。」
(大概係咁嘅意思)
當然,係科學上我到可以黑白分明,但係創作上,我哋又可唔可以咁去判定一個故事作品好定唔好?經驗又為作者帶嚟啲咩成就?

沒有名字的人:
關於可唔可以咁去判定一個故事好唔好:咁其實對我嚟講,斷定一個故事並唔可以只靠經驗嚟判斷。我哋身為創作者,無論有幾多嘅經驗,都一定會有人話你嘅故事唔好睇。而係唔同嘅創作挑戰、比賽中,最後睇嘅,都係你所交嘅作品,而唔係你嘅經驗。無錯,經驗可以捭你更加嘅了解點樣掌控故事嘅節奏、人物嘅描寫同小說嘅文采等等,不過如果你自己睇完之後並唔鐘意自己嘅作品嘅話,無論你係新手,定係已經寫咗好耐小說嘅老手都好,都係唔會寫出一個好嘅故事。

十三郎:
點解你會參加呢次連載小說(暑期八回連載小說大挑戰)?覺得連載小說有咩特別?

沒有名字的人:
咁我之所以會參加依次嘅連載小說挑戰,其實係因為當時我無意中係主頁見到今次嘅挑戰,而且我見到漫長嘅暑假我都幾多嘅時間,所以就決定咗參加今次嘅挑戰。
而對我嚟講,連載小說嘅特别之處就係你可以聽從讀者嘅意見,並係下一回入面改善及從中學習。

十三郎:
你覺得香港呢個地方,除咗網上,會唔會有其他途徑發展連載小說?實體書合定本、月刊、閱讀會、教學寫作班等等。

沒有名字的人:
係香港依度,其實除咗網上之外,真係無咩地方發展連載小說。真係要講嘅話,我諗係大學嘅校刊,因為而家嘅香港人唔會同以前一樣特突去買唔同嘅月刊嚟追連載小說。

十三郎:
你係呢次嘅比賽到(暑期八回連載小說大挑戰),想得到啲咩?有咩意見想向作者們提出,鼓勵大家一齊去做某件事/活動/行為?

沒有名字的人:
其實係今次嘅比賽之中,我真係無諗過想得到啲咩。見到自己所寫嘅故事有人去睇,對我嚟講就足夠了。

十三郎:最後,對將來有咩諗法?

沒有名字的人:
我諗我之後都會一直參加唔同嘅創作挑戰,而且會係繼續連載唔同嘅故事。
再一次多謝沒有名字的人嘅訪問!希望大家的訊息也能傳到讀者的面前,能夠讓讀者了解他們更多!

發佈留言

發佈留言必須填寫的電子郵件地址不會公開。 必填欄位標示為 *