節錄《DSE幻想校園(二)》：第五節：特殊初吻
//… …
由宿舍回到學校，只有一段三至五分鐘的斜路，但身體不適的她，走起路來十分緩慢，每當我踏出一步，好等如她走了兩小步。為了配合她的速度，我走起來也十分生硬。幾經辛苦，我們終於來到校門。
這時她拍了一下我的手臂，用食指點著自己的鼻頭，再用食指及中指，模仿著雙腳走路的動作，最後指向圖書館。示意，她要先去圖書館，自己一個便可以。
「係咪真架？冷親就唔好吹咁多冷氣！都唔明妳病到咁都仲要返嚟做義工！」
這時她兩眼一垂，似是在口罩之內嘆了口氣，無有人明白她的心情：
「#@%@#%#@……」
我望著她指手畫腳的動作，比起「畫畫猜」更加難明。
「妳不如SEND MESSAGE比我罷啦！」
她反一反眼，於是揭開口罩，用力將自己的小嘴張開，要我靠近一點去看。
「原來……妳啲牙都幾靚喎！」
她一直「啊」著，又不斷搖頭，再用手指指著口腔內，要我再貼近多一點看。
「嘩！妳人仔細細得個十五歲女，出智慧齒呀！所以先紅晒臉帶口罩！」
她終於滿意地點頭，但雙手舉著「一」、「六」的手勢，示意她已經十六歲了。難道讀書多的人真的會長「智慧」，我想以她的好學精神，不過二十歲便會長齊四隻智慧齒了。
我將早餐還給她，看著她慢慢離開，內心一直在問自己：
「我真係會鍾意呢種只係掛住睇書嘅女仔？『幫佢』、『保護佢』、『唔比佢受傷害』，呢三點我都想像到，但我就真係諗唔到有咩事可以一起做……除咗……」
… …//